多謝St. Catherine Nursery嘅各位老師

真係要好好多謝St. Catherine Nursery嘅各位老師， 將紫晴教得咁乖咁醒目。 學校每一個老師質素都好高， 無論談吐同行為舉止都好有修養， 比到小朋友好好既榜樣。 可能我自己識得nlp同埋心理輔導， 我聽得出老師對小朋友講嘅每一句說話其實都十分正面而且有鼓勵性， 可以潛移默化咁建立小朋友嘅自信同强化正面行為，非常專業 。 班主任Miss Ma 同 Miss Heidi 對於小朋友既學習進度十分留意， 不時放學後都會打電話比我話比我知紫晴喺學校入面既情況， 我聽得出佢地係有比個心去教，令我覺得好放心。 而我覺得最好既就係校長自己都好以身作則， 學校咁多小朋友都記得啲名，十分上心。 特別要提一下Miss Tse， 雖然紫晴唔係喺你果班， 但係紫晴好鍾意你咖，仲話你平日返學放學有拖佢手出門口同講byebye。 尤其聽日就係母親節， 今日去完學校母親節活動之後，個心覺得好欣慰。