點樣食生果先最多天然維他命 c？

自從上次同大家分享過熱檸水會將檸檬入面既維他命 c 破壞之後，好多朋友都問我應該點樣食生果先吸收到最多天然維他命 c。 等我同大家分享下啦！

平時大家喺超級市場或者生果檔見到一包包預先切好既生果，其實已經流失咗好多維他命 c 咖啦。 因為生果皮係生果最天然既保護層， 當生果切開咗之後，果肉接觸到空氣， 維他命 c 就會開始被破壞。 放得越耐，失去既維他命 c 就越多。 就算有保鮮紙包住，幫助始終有限。

所以話呢，如果想食到最多既天然維他命 c ，最適合既方法就係切一個新鮮生果食啦！