2014年7月25日 星期五

低脂忌廉煙三文魚意粉

 
 
 
 
7月27日(星期日) 2:30 - 4:30 pm,「家營健康營養教室」由Kathy親下廚,教你點煮「低脂忌廉煙三文魚意粉」。

煙三文魚內含蛋白質、奧米加三脂肪酸、多種維他命,以及鈣、鐵、鋅、鎂、磷等礦物質。三文魚含人體不能自行製造的奧米加三脂肪酸, 有助控制壞膽固醇水平,減患心血管疾病風險,有利兒童大腦及眼睛發育咖!

想學點煮又想試味既朋友歡迎報名,一人一張檯咖~
⋯⋯
參加詳情歡迎參考海報同以下連結~
http://nutritionistkathy.blogspot.hk/2014/07/blog-post.html
(上堂前兩天以WhatsApp或SMS Tel 6090-2081報名,註明參加者姓名、人數、班別和會使用之套票編號)

「營養師教你健康瘦身」免費講座


 
**費用全免**名額15人**歡迎任何人士參加**
 
下個星期「家營健康營養中心」會開設免費營養講座
主題: 「營養師教你健康瘦身」
日期: 7月30日(星期三)
時間: 晚上7時半至8時半
内容: 健康飲食貼士,如何健康減肥,營養師教你識飲識食⋯⋯
地點: 九龍旺角煙廠街9號興發商業大廈10樓1003室 (家營新擴充既office)
講座由我徒弟Krista營養師主講,佢仲會即時解答聽眾問題tim~
呢個講座最適合想健康飲食瘦身既朋友。有興趣報名參加的話請Like + Share + 致電 (Tel: 6090 2081) 留低名同出席人數,成功留位我地會通知你。
座位有限,先到先得咖!
 
 

2014年7月24日 星期四

我嘅徒弟 - Krista(陳筠霖)營養師



同大家介紹我嘅徒弟 - Krista(陳筠霖)營養師。
Krista同我一樣,係中文大學食物及營養科學系畢業咖。 佢係我喺幾十個候選人之中揀出嚟,我最欣賞就係佢既責任心同埋誠實可靠嘅性格。喺嚟緊既日子入面,我會將我多年既營養同烹飪經驗傳授比佢。大家俾個 Like 支持下佢la~ 


韓式蔬菜拌飯

7月26日(星期六) 11:00 am - 1:00 pm,「家營健康營養教室」由韓國導師Yumi教你點煮「韓式蔬菜拌飯」。

想學點煮又想試味既朋友歡迎報名,一人一張檯咖~

參加詳情歡迎參考海報同以下連結~ 
http://nutritionistkathy.blogspot.hk/2014/07/blog-post.html
(上堂前兩天以WhatsApp或SMS Tel 6090-2081報名,註明參加者姓名、人數、班別和會使用之套票編號)




花絮









水蜜桃

多謝Nora喺日本買兩個咁好食既水蜜桃請我食,帶返屋企成間屋都香晒~


魚肉燒賣,一串肥過一碗飯 (Sudden Plus專欄)

喺今期Sudden Plus專欄入面, 我同大家分享咗魚肉燒賣高熱量嘅原因,簡單嚟講:
1. 魚肉燒賣通常含有好多豬油
2. 一串魚肉燒賣熱量高過一碗飯
3. 加咗辣椒油之後, 熱量就更加高
有興趣睇全文:
http://suddenplus.nextmedia.com/blogger/kathy-ng/art/17126 

魚肉燒賣,一串肥過一碗飯

對於大部分香港人來說,魚肉燒賣這款街頭小吃可謂毫不陌生。最受歡迎的食法是以辣椒油、豉油又或者XO醬伴着一齊吃。有一些正在減肥的朋友會選擇不加辣油,以為這樣吃清蒸的魚肉燒賣便不會致肥,但這其實只是一個誤解。
 
清蒸的魚肉燒賣表面雖然亁身,但內裏的成分卻不止是魚肉這麼簡單。魚肉燒賣之所以香口是因為它通常都加入了很多肥豬肉。這些切碎成一粒一粒的肥豬肉在加熱之後變成一滴滴的油藏在魚肉燒賣裏面,令我們吃起來覺得多汁香口的同時卻又吸收了很多脂肪。
 
大家可能不知道,魚肉燒賣的熱量其實高得驚人。視乎原材料,一串大約五至六粒的魚肉燒賣熱量可以達到240至340大卡路里不等。如果以一碗白飯含220大卡路里換算,單是一串魚肉燒賣的熱量便等於一碗至一碗半白飯。
 
魚肉燒賣最令人致肥的地方,不單是因為它的高脂肪比例和高熱量,更是我們的食用方式。因為通常我們吃魚肉燒賣時都會伴以辣椒油,令它的熱量更加高。而當我們覺得辣,我們又會買飲品解辣。最方便的,莫過於在附近買一杯珍珠奶茶、果汁之類。這些其實也是糖分和熱量含量很高的飲品,也是致肥的通常原因。
 
要是我們放工回家途中順道吃一串魚肉燒賣再加一杯飲品,身體便吸收了相等於兩碗白飯的熱量。這樣的飲食方式既吃不飽,又不好味到那裏。想吃得又好味又健康,最重要的還是學會選擇適當的食物。

蘋果雞肉漢堡伴磨菇汁 (後記)

我喺「家營健康營養教室」教煮「蘋果雞肉漢堡伴磨菇汁」,我仲順便同大家分享埋免治豬肉蒸水蛋tim。 等我同大家分享下d花絮先~ 









低脂英式鬆餅 (後記)

7月22日(星期二)由烹飪導師Samantha 教做「低脂英式鬆餅」,佢仲教埋大家整「鷹嘴豆泥醬配焗雲吞皮」tim~
真係好鬆化好好味呀!

Samantha 既「自煮.輕食.遊記」https://www.facebook.com/homecookdaily
 









韓式炒粉絲 + 泡菜 (後記)

今日由韓國烹飪導師Stella朴順玉教煮韓國菜, 好多同學都話好開心ar! 今日除咗學韓式炒粉絲之外,Stella 仲教大家點整泡菜tim~
Stella最後將今日佢煮既菜留比我食, 真係未食過咁好味既韓式炒粉絲同泡菜ar!
導師Stella 其實係紅磡一家韓國料理既老闆嚟咖, 大家有興趣去紅磡,就去探下佢啦。 下面係佢餐廳喺open rice 既link:
http://www.openrice.com/restaurant/sr2.htm?shopid=165933
 











2014年7月17日 星期四

即食栗子



呢隻即食栗子,每包只有100大卡路里, 而且脂肪比例亦非常之低。 肚餓果陣時食幾粒,既有口感又有飽肚感~

看標籤 解禁零食 (蘋果日報)



天時暑熱,躲在家裏嘆杯凍飲,攤在梳化吃零食,快活似神仙。
不少OL也和我一樣,明知零食致肥壞身材,仍是擋不住其美味呼喚,吃完一包又一包,吃後心裏又充滿罪惡感,減肥時才覺後悔。減完又吃,吃完又減,沒有休止的惡性循環。政府已為營養標籤立法,買前細心看,零食非不能吃,而是要懂得選擇。
記者:歐陽曉思
攝影:陳永威

營養師:吳耀芬(Kathy)

中文大學食物及營養科學學士
香港大學心理輔導學碩士
任職營養師10年
以「身營心營」為信念,融合營養及心理輔導知識,幫助繁忙城市人快樂收身,達至身心健康。
營養師吳耀芬Kathy說:「大多數人對零食都又愛又恨,愛是因為零食好味道,吃零食令人開心;恨是因為零食大多是高卡、高脂、高糖、高鹽份,被視為無益食物,但這不代表進食零食就是錯事,只是大家選擇不適當而已。」
以一個從事文職工作的成年人為例,每天平均約需1,800千卡路里(kcal,以下簡略為「卡」),小吃可佔其中的180卡。普通汽水、罐裝或紙包果汁含糖量相當高。一罐罐裝可樂已含相等於10粒方糖的糖份,熱量約130卡;而一包普通250毫升紙包橙汁亦含相等於7粒方糖的糖份,幾乎相等於多吃半碗白飯,這樣的比例相當驚人。所以當大家選擇薯片、餅乾、奶類製品時,應盡量揀選較為低脂的產品;選擇包裝飲品時,則特別注意糖份含量。
由於每個人的體質都不同,Kathy提醒大家可因應自己的營養需要而選擇較為合適的食物,如愛美人士一定要留意每食用單位的卡路里與脂肪的脂肪含量;如腎病患者就應控制食用高鈉質零食,或向營養師與醫生請教。
營養標籤需列出食品所含的能量值及7種營養素(包括:蛋白質、總脂肪、飽和脂肪、反式脂肪、碳水化合物、糖和鈉)。即使是同類食品,不同牌子的產品,其營養價值亦未必相同,所以要細心比較營養標籤標示的成份,避免吸收不必要的有害成份,亦要小心其營養成份的計算單位,有些會以食用份量計算、有些則是每100克/毫升來計算。

Kathy推介

低糖飲品

麒麟無糖濃味啤酒 $14.9

為健康、為減肥,不用戒絕啤酒!此款0糖份啤酒,每100ml只得19卡,號稱啤酒界最低熱量飲品。

 

麒麟Mets可樂 $12.9

不是不能喝可樂,但要選擇無糖的。這瓶上還寫着「抑制脂肪吸收」,吸引吧。
  

桃味蒟蒻 $9.9

每包只有32卡,含有水溶性纖維,有助腸胃蠕動,食用後容易有飽肚感。

  

低卡低油零食

金魚仔蛋糕 $28.9

Kathy大讚這包雲呢拿味金魚仔蛋糕健康,每35塊才140卡。


  

蔓越莓乾 $37.9

Kathy的心水乾果選擇是蔓越莓乾,因為容易予人飽肚感,所以通常一次不會吃得太多。

  

豬肉絲 $33.9

估不到也屬健康之選。一般是用瘦肉來做,低脂少油。


  

如何閱讀營養標籤?

攝取過多能量,除了致肥外,最怕是容易患上心臟病、糖尿病。
食物能量值可採用千卡路里(kcal)或千焦耳(KJ),1kcal約等於4.2KJ。一般女士每日需要1,800千卡路里熱量及1,200毫克的鈣;而男士每日則需達2,000-2,800千卡路里及1,000毫克的鈣。
根據香港食物安全中心的指引,如希望保持心臟健康和理想的體重,在2,000卡的膳食中,這些營養素的每天攝取上限應為:


認清低脂、低糖、高鈣

不少食品都標榜低脂、低糖、高鈣,其實要符合以下數值,方能稱得上低脂、低糖、高鈣:
低脂 每100克食品含不多於3克;每100毫升食品含不多於1.5克。
低糖 每100克或100毫升食品含不多於5克。
高鈣 每100克食品含多於240毫克;每100毫升食品含多於120毫克。
售買點:一田超市 旺角新世紀廣場3樓 


[來源: 蘋果日報 2014年7月15日 ]