2014年8月29日 星期五

葵芳湘川滬 - 油鹽糖都高

好耐無嚟過呢度食晚飯。相比起新都會廣場既其他茶樓,呢度通常無咁多人,而且價錢相對合理,以前食過覺得幾好,所以今次揀o左呢度晚飯。

紫晴+紫蕾等食中 :)

夠脆口,但十分高油

高鹽高油味濃又唔好味


介乎排骨與豬肉乾之間的肉

太甜,無酒味


今次叫咗幾味餸,有松子黃花魚,排骨麵、銀絲卷、酒釀丸子等等。
松子黃花魚炸得好香脆,雖然炸魚比較多油,但係以咁好既味道,唔怕肥既話食兩、三舊都可以接受。我最鍾意既就係佢既汁唔酸,易入口。

至於呢道百頁結紅燒肉,味道太鹹,濃味得來又無主題,而且油分好重,食一舊都浪費都覺得浪漫肚腩quota

排骨麵既排骨炸到就黎變排骨乾,成為一塊無靈魂無味道既「行屍走肉」。

至於酒釀丸子,因為佢無乜酒味,於是想用甜味去搭夠,但又甜過龍搶晒丸子既味。結果呢碗酒釀丸子既無酒味,又無丸子味,失敗!


總括來說,今餐食物油鹽糖都高,唯獨是味道水準唔高,失望 :(

推介美食: 松子黃花魚 (但好油,減緊肥唔建議)
堂食等位時間: 0 分鐘
用餐日期: 2014-08                                        
是次消費: 每人約HK$120 (晚餐)
評分: 味道1   環境3   服務4   衛生3   抵食1

美心MX - 燒味飯走油o岩減肥

放工已經好夜,貪方便去公司附近美心MX食晚餐。我地叫咗咸雞飯同油雞飯(走豉油)

咸雞飯 -又鞋又乾 :(

油雞飯滑,味道ok 

咸雞飯d雞好「鞋」,而且好乾,完全唔好食。但係油雞飯d雞就好滑,就算走雞皮食入口都好軟多汁


呢到優勝既地方係一定搵到位,而且 好容易揀到唔肥既食物,例如瘦叉燒、白切雞、健怡百事,但對於工作繁忙放工夜,想快快趣趣食一餐既朋友都係可以接受既

推介美食: 油雞飯(走豉油汁)
堂食等位時間: 0 分鐘
用餐日期: 2014-08                                         
是次消費: 每人約HK$40 (晚餐)
評分: 味道1   環境2   服務1   衛生2   抵食4

金滿象正宗泰國菜 - 可要求少油走甜

呢間泰國菜餐廳喺公司附近,但係咁耐以嚟都無去過,今日就去試下la!
入面環境好乾淨企理,而且個老細重親力親為,對客人非常客氣。對於客人對食物既特別要求,例如洛神花茶走甜,粉麵少d油都會盡量配合。

我試咗個雞肉青咖哩。碟青咖哩表面上無油浮喺面,入口好香,完全無油膩既感覺,應該淨係落得好少油。

洛神花茶 - 怕肥可要求走甜,酸味夠開胃

APPS魚可以去邊download?  :p

濃味少油, 減緊肥可叫,但係都唔好飲果d魚湯

地方不算大但坐得舒適

除咖哩同粉麵之外,我仲叫咗一味檸檬烏頭,因為通常檸檬烏頭都落好少油,比其他餸菜健康。條烏頭魚好新鮮,而且浸住條烏頭既湯仲好濃味,正!

總括來講,呢間泰國菜食物好新鮮,食物濃味得嚟味精同油都唔多,待應又有禮貌,值得再幫襯~


臨走果陣先發現有一道菜叫「招牌APPS魚」,我即刻問老細呢個APPS去邊度download。佢話APPS只係泰文譯音,haha J

推介美食: 雞肉青咖哩,檸檬烏頭,洛神花茶
堂食等位時間: 5 分鐘
用餐日期: 2014-08                                         
是次消費: 每人約HK$130 (晚餐)
評分: 味道3   環境2   服務3   衛生3   抵食4

California Pizza Kitchen - 環境舒適, 沙律可走醬

去咗CPK食下午茶當係午餐。今叫咗兩個下午茶,一個係「墨西哥雞肉菠菜麵」,另一個係「脆脆烤雞沙律」


軟熟夠香但應該有d肥

「墨西哥雞肉菠菜麵」十分好味多汁。雞肉同菠菜麵都十分之軟熟,入口夠香。但食入口我覺得煮麵既時候應該加咗好全脂奶或者忌廉,所以雖然好食,但係因為脂肪含量應該唔低,比較適合唔使減肥既朋友

脆脆烤雞沙律 - 走沙律醬同脆脆就適合減肥

「脆脆烤雞沙律」選料十分新鮮,蔬菜有一種天然既鮮甜味,烤雞肉少油得嚟亦十分滑。蔬菜同烤雞肉配搭得天衣無縫。至於脆脆,分量唔多,但可以帶起沙律味道,可惜始終係油炸。我問過餐廳經理,佢話客人可以要求走沙律醬。怕肥的話可以走沙律醬同唔食d脆脆,因為蔬菜新鮮,就咁食一樣好好食。走咗沙律醬之後,呢道沙律可以話又瘦又好味。

下午茶時間環境寧靜舒適

推介美食: 脆脆烤雞沙律
堂食等位時間: 0 分鐘
用餐日期: 2014-08   
是次消費: 每人約HK$70 (下午茶)
評分: 味道3   環境3   服務3   衛生3   抵食4

中大CC Can - 充滿回憶

放假帶兩個女返CU睇魚,貪近梗係食CC Can la。咁橋CC Can先啱啱裝修好無乜嘢食賣, 只係得燒味 。咁 我就叫咗 一碗切雞麵同埋一碗貢丸河粉。 一如多年之前,呢到既食物都係十分之一般。


可以一面食一面看大學生活動採排


好多骨碎

碗切雞麵d雞雞味依然ok 但係廚房師傅就將隻雞翼斬得太碎, 要走皮既時候比較唔方便。 

河粉彈牙,貢丸唔香

至於貢丸河粉, 河粉係ok彈牙既, 細路仔食啱晒。 但係d貢丸就唔香, 而且咬開之後我發現 入面好多有油流出嚟既洞洞, 應該係整既時候落咗好多豬油粒,好容易食肥人, 唔係咁岩我。

紫晴自己食河粉,較多肉既雞我留番比佢食

凍檸茶走甜,唔怕肥



雖然呢到食物 品質咁多年嚟都無乜進步, 但係因為呢度環境好有書卷味, 同埋藏著好多回憶, 所以我第時都會再繼續返嚟幫襯既。

竹蔗茅根紅蘿蔔馬蹄水



 

材料
竹蔗、茅根、紅蘿蔔、馬蹄


做法
將所有材料洗淨切細,加水煲一個鐘就得 (就係咁簡單~)

佢有清熱、潤肺、排毒、消滯祛濕既功效。o岩晒夏天雪凍做健康解渴飲品~我自己都成日煲o黎飲咖!我通常o係我公司樓下左邊果間蔬菜舖買竹蔗茅根(10蚊一束,新鮮),而紅蘿蔔同馬蹄就檔檔都差唔多新鮮~ 大家可以煲o黎飲下 

刀削麵




呢隻刀削麵無論脂肪同鹽分都好低,而且又夠飽肚,o岩晒想食得低脂又鍾意多d變化既朋友~
o左我公司樓下左邊第二間士多就買得到咖la~

健康小吃食譜


同大家分享兩份健康小吃食譜 






60分鐘學識揀減肥方法



好多人問坊間流傳果d「絕食法」、「戒飯法」、「食肉法」、「飲Detox Water法」究竟減唔減到肥,等我徒弟Krista營養師一次過教大家la~
60分鐘學識揀減肥方法」免費講座
日期: 830(星期六)
時間: 下午3時至4
地點: 九龍旺角煙廠街9號興發商業大廈101003
**費用全免**每場名額15**歡迎任何人士參加**即時解答聽眾問題**
有興趣報名參加的話請Like + Share + 致電 Tel:3520 2641 (Krista營養師直線) 或回覆Facebook留低名同出席人數,成功留位我地會通知你。
座位有限,先到先得咖!




徒弟Krista(陳筠霖)營養師o係「60分鐘學識揀減肥方法」既講座後感:



「今日同大家分析左好多種唔同減肥方法既可靠性同埋危險性,大家都知好多古怪既減肥方法喎,當中提到奇異果減肥法,話朝早空肚食奇異果,要連皮食,覺得咁就可以有助排便同減肥。
雖然奇異果含豐富水溶性纖維,足夠既纖維可增加腸道蠕動,減低便秘機會。但其實食其他蔬菜生果都可吸收纖維,唔一定係奇異果嫁。
同埋生果始終有果糖,過量進食都會吸收過多熱量,一樣會肥嫁!」

- Krista營養師

止口痕6大法 (蘋果日報)





o係蘋果訪問入面,我同大家分享o左減少食零食既「止口痕6大法」,幫助大家減肥~
1. 寫下每日早午晚餐,確立減肥目的

2. 分散注意力

3. 向身邊人表白減肥目標

4. 改變環境,清除眼前零食

5. 正餐後刷牙
6. 尋找替代品

http://hk.apple.nextmedia.com/realtime/news/20140826/52831328 

紅酒燜牛肉



8月30日(星期六)11:00am - 1:00pm,「家營健康營養教室」由烹飪導師Samantha教你煮「紅酒燜牛肉」, 同場再示範點整「特色鷹咀豆泥脆脆」~
o係學整之前,大家不彷先聽下徒弟陳筠霖(Krista)營養師既營養分析先~
「紅酒燜牛肉:
牛肉有豐富鐵質,幫身體製造紅血球,period 中既女士們可以食下牛肉補充所流失左既鐵質嫁!
紅酒同其他酒一樣都係高卡既飲品,但用去煮餸就唔同喇,因為酒精晌煮餸過程中已經揮發得七七八八,熱量亦都少左好多, 而用酒煮餸更可增加餸菜既風味添呀!
特色鷹咀豆泥脆脆
鷹咀豆(Chickpeas)有豐富蛋白質同纖維,而且又低脂。鷹咀豆可以用黎整沙律啦,夠哂飽肚,又者整成鷹咀豆泥代替牛油搽麵包啦。同埋佢地含既脂肪大部分係多元不飽和脂肪,適量攝取可減低患心血管疾病既風險嫁!」 -Krista
烹飪班詳情: http://nutritionistkathy.blogspot.hk/2014/08/la.html

拆手信

拆手信係紫晴同紫蕾最興奮既時刻~

2014年8月25日 星期一

「營養師教你健康瘦身」免費講座

點樣食得好味又減到肥?
等我徒弟Krista營養師話比大家知la~
「營養師教你健康瘦身」免費講座
**費用全免**每場名額15人**歡迎任何人士參加**即時解答聽眾問題**

日期: 8月28日(星期四)
時間: 晚上7時半至8時半
地點: 九龍旺角煙廠街9號興發商業大廈10樓1003室 (家營新擴充既office)

有興趣報名參加的話請Like + Share + 致電 Tel:3520 2641 (Krista營養師直線) 或回覆Facebook留低名同出席人數,成功留位我地會通知你。
座位有限,先到先得咖!


消耗一個月餅要做一小時sit-up! (Sudden Plus 專欄)


中秋節快到了,市面上充滿林林種種不同的月餅,有蓮蓉月餅、冰皮月餅、五仁月餅、雪糕月餅等等,而月餅的形像也越來越年輕化。雖然大家都知道吃月餅容易致肥,但無論大人小朋友在慶祝中秋時都很容易吃上很多。今天就讓我和大家講解一下月餅的致肥真相吧!
 
蓮蓉月餅
以一個傳統大小,大約200克的蓮蓉月餅為例,一個熱量便接近600大卡路里,超過兩碗半白飯的熱量。但它所含脂肪和糖的成分卻比白飯高很多。單是一個蓮蓉月餅便含13茶匙糖及6茶匙油。如果是雙黃蓮蓉月餅,雖然蓮蓉的成分相對地低了,但那兩個鹹蛋黃所含的膽固醇卻是人體每天吸攝取量上限的數倍,對健康完全無益。
 
冰皮月餅
雖然冰皮月餅的熱量一般來說都比蓮蓉月餅略低,但每100克的冰皮月餅熱量也近乎兩碗白飯。另一方面,由於它冰凍而且容易入口,一次很容易會吃上兩、三個,結果所吸收的熱量隨時比吃一個傳統大小的蓮蓉月餅更加多。
 
雪糕月餅
雪糕月餅,其實等於一個朱古力脆皮雪糕,每100克的雪糕月餅熱量都比一碗白飯更加高。
 
五仁月餅
五仁月餅的熱量雖然和蓮蓉月餅和雪糕月餅不相伯仲,但相比之下始終是一個不健康之中較健康的選擇。因為五仁月餅含有多種不同的果仁,包括杏仁、合桃、芝麻等。這些果仁含屬於較健康的單元不飽和脂肪,但是攝取過多依然會造成身體肥胖。
 
另一方面,因為月餅成分中脂肪比例相當高,即使卡路里數值一樣,月餅也比白飯更加易轉化成身體的脂肪。看到這裏大家可能會問,吃完之後做多一些運動不就可以嗎?運動當然可以把月餅的熱量消耗掉,但大前提是運動量必需很高。舉一個例子,一個中等體型女士消耗一個蓮蓉月餅便需要做超過一小時臥起坐(sit-up),又或者上兩小時樓梯。試問我們之中又有多少人試過做一小時臥起坐或者上兩小時樓梯呢?當然,跑步也可以把那個蓮蓉月餅的熱量消耗掉,但卻要跑十公里,相等於由尖沙咀至藍田的距離。要不是常常運動,跑完後能不全身酸痛才怪。
 
中秋節主要是慶祝人月兩團圓。慶祝的方式其實很多,可以是賞月、可以是玩花燈,也可以是吃水果、喝茶和吃月餅。月餅只是眾多慶祝方式的其一而不是全部。所以與其大口大口的吃月餅,倒不如和家人聊多幾句天,聯絡一下感情吧!


豬油 = 粟米油 = 橄欖油熱量



如果分量相同
豬油熱量 = 粟米油熱量 = 橄欖油熱量
一茶匙油就有四十五大卡路里咖la~
雖然三種油既熱量係一樣,但係豬油所含對身體無益既「飽和脂肪」比例就係粟米油同橄欖油既3倍。
等我遲d再同大家分享多d關於揀油要留意既地方la 

未舉冰桶 先舉飯桶 (ESD blog)



近期全球都興起了冰桶挑戰。雖然把一大桶冰凍的冰水由頭頂淋向身體的確十分痛快,但要是身體不好,卻很容易會令自己著涼,甚至連拿起冰桶的氣力也沒有。
 
我們中國人常常說米飯是我們的父母,大家又知不知道,米的營養價值相當完整均衡,它含有澱粉質、脂肪、蛋白質、礦物質、維他命B雜及纖維,營養價值十分豐富。而其中的澱粉質,更是供給我們身體活動能量的主要來源。它分解出來的碳水化合物能夠迅速被身體消化吸收,之後轉化成能夠提供能量的葡萄糖。另一方面,由於米飯的脂肪含量十分低,相比其他高脂/高糖食物飲品例如雞翼、珍珠奶茶等,米飯在提供身體足夠能量的同時又不容易致肥。有些「戒飯」的朋友之所以常常感到四肢無力,其實就是因為其他食物所供給的能量不足。
 

所以,在舉起冰桶之前,我們可先問自己平日有沒有吃飽飯,有足夠的力氣。要是沒有,那麼捐款幫助有需要人士可能是更好的選擇。

樓下街市巡禮 - 懷舊粉麵檔





煙廠街街市中間有一檔歷史好悠久既粉麵檔,佢賣既雲吞皮同埋粉麵都係好正咖。檔主鄺太仲好樂意同大家介紹每一種粉麵特色同埋煮法tim~


黃色皮雲吞皮 - 有雞蛋同埋鹼水成分,最適合用嚟包燒賣。我上次喺烹飪教室教既「低油鵪鶉蛋燒賣」所用既燒賣皮就係喺呢度買咖。燒賣皮點樣先靚?就係以少鹼水味同軟身為之最靚囉。




白色雲吞皮 - 梗係用嚟包雲吞la。佢無雞蛋或者鹼水成分,以皮薄、鬆化為之最靚。好似呢塊咁喺空氣中飄下飄下就無得頂嘞~




上海麵 - 又叫做衛生麵,成分同白色雲吞皮其實一模一樣,只不過係做到一條條。呢隻上海面我其實自己都成日食咖,因為呢隻麵夠飽肚,而且熱量又低,減肥食就最啱~

低熱量雀檸粉

呢隻雀檸粉熱量好低,沖出o黎平均每杯只有20大卡路里,只係現成罐裝既幾分之一~
我公司樓下左邊果間傳統士多有得賣~




2014年8月22日 星期五

杏仁蛋白露 (亞洲電視)




我有特別既隔蛋白技巧,有興趣可以睇埋video 


介紹比大家 好味養顏「杏仁蛋白露」

材料
雞蛋、白米、南杏、冰糖
⋯⋯
做法
1. 先將白米同南杏用水浸20分鐘
2. 之後放入攪拌機加水攪,之後用煲湯魚袋隔渣
3. 煮滾杏仁汁,然後加冰糖
4. 最後加蛋白就得咖la~

杏仁有維他命E同埋不飽和脂肪酸,可以增加心血管彈性。

豬仔飽唔易肥




同樣都係飽,豬仔飽其實瘦過吞拿魚飽同腸仔飽好多咖,o岩晒減緊肥既大家。
而最好食既豬仔飽就係公司樓下既老字號「明華餅家」o勒,佢地出爐好密咖,所以d飽成日都又香又熱~
所以話,只要識飲識食,減緊肥都可以食得好好咖~