我覺得點樣揀靚芒果係一門藝術。唔同品種芒果其實有唔同味道，適合用嚟做唔同既菜式。
好似呢隻巨型台灣水仙芒，一隻有成個西瓜仔咁大。佢味道超甜、無渣，但係香味就只係一般。最適合做芒果汁，或者用攪拌機攪碎用嚟整蛋糕。因為蛋糕本身好甜，只要芒果有少少酸都會顯得好酸，所以呢隻巨型台灣水仙芒就啱曬整甜品。
呢隻非律賓芒果就夠曬香，但係就唔夠台灣水仙芒咁甜。就咁食就最啱。
至於呢隻好似恐龍蛋咁既澳洲芒果，公司樓下生果檔亞姐就唔太推薦嘞。因為佢味道普通，而且咬落有渣，唔係個個人都鍾意。
芒果雖然含有豐富維他命A,C,D 同多種營養元素，但因為始終比較濕熱，所以間中食下就夠嘞~
芒果雖然含有豐富維他命A,C,D 同多種營養元素，但因為始終比較濕熱，所以間中食下就夠嘞~
沒有留言:
張貼留言