2013年幾件難忘既事

2013年幾件難忘既事:

工作方面， 有幾個減肥個案我覺得好有成功感既。有一個270磅既男仔，因為肥到腰骨痛嚟搵我減肥，呢個男仔真係好有決心，佢除左一日三餐都係自己煮之外，仲買左一個新既鑊同埋廚房刀，方便自己每日下廚。喺經過一年既努力之後，佢已經由270磅減到得番170磅。最喜出望外既係經過一年親自下廚之後，佢經已練成咗一手好廚藝，而以前鐘意打籃球既佢仲可以打返籃球tim~~ 而家就算打一個鐘籃球都毫無難道。

另一個個案係一個有糖尿病既準媽媽，因為糖尿病既緣故以前已經小產過兩次，於是今次佢特別小心，特登搵我去幫區管理飲食。經過幾個月細心安排飲食餐單之後，宜家個bb非常穩定，預計會喺出年做媽媽tim，真係可喜可賀。

而最後一個個案係一個小朋友因為太肥而成日喺學校被同學仔取笑，久而久之令到個人無晒自信。作為一個輔導員，我同佢傾左好耐偈，一步一步引導佢建立健康飲食習慣，同埋幫助佢建立一d成功既經驗。到最後唔單止身型回復正常，喺佢最後一次見我果陣佢仲同我講左一句:「只要有決心，無嘢係做唔到既！」我聽到之後心入面有一陣感動，希望呢個成功經驗可以幫佢喺日後既成長路上克服其他難關la 

都係時候要講下我自己la，今年最開心既事莫過於細女紫蕾出世。宜家兩姊妹感情好好，家姐仲成日同細妹玩tim~~ 希望佢地健健康康，快快樂樂咁快高長大la。